There are No Adverts to Display

სიახლეები

მედიკამენტები/გინეკოლოგია
ავტორი: Med Doctor
აერინი (Aerini) Liquid Stabilized Oxygen IVERTA, აშშ-საქართველო შემადგენლობა და გამოშვების ფორმა 30 მლ ხსნარი, ფლაკონი #1. აქტიური ნივთიერებეი: ნატრიუმის ქლორიდი, ტეტრაოქსიგენის მოლეკულები. ძირითადი მინერალები 80-ზე მეტი, დისტილირებული წყალი. ფარმაკოლოგიური ჯგუფი: ფართო გამოყენების ჰომეოპათიური საშუალება -სტაბილიზირებული ჟანგბადის თხევადი ფორმა. ფარმაკოლოგიური თვისებები: აერინი ხასიათდება ძლიერი ანტიოქსიდანტური მოქმედებით, აძლიერებს ორგანიზმის იმუნურ სისტემას, დეტოქსიკაციურ ფუნქციას, ენერგიის წარმოქმნას. ორგანიზმში ჟანგბადის დონის მატება ხელს უწყობს ბაქტერიების, ვირუსების, სოკოების და პარაზიტების სწრაფად განადგურებას. აერინი აჩქარებს რეგენერაციულ პროცესებს. ცენტრალურ ნერვულ სისტემაზე ახდენს დამამშვიდებელ ეფექტს. ჩვენება: აერინი გამოიყენება როგორც სიმპტომური საშუალება ჰიპოქსიის (ჟანგბადის ნაკლებობის) შესამცირებლად სხვადასხვა სახის პათოლოგიის დროს: გულ-სისხლძარღვთა დაავადებები. ვეგეტო-ვასკულარული დისტონია. სასუნთქი გზების დაავადებები: ასთმა, სინუსიტი, ემფიზემა, სასუნთქი გზების ინფექციები და სხვა. იმუნიტეტის დაქვეითება. ნევროლოგიური დარღვევები: სხვადასხვა სახის ნევროზები, უძილობა, აგზნება, ფობიები (კლაუსტროფობია). სიმსივნური დაავადებები (როგორც დამხმარე საშუალება): მკერდის კიბო, კანის კიბო, ფილტვის კიბო და სხვა. ბაქტერიული, ვირუსული, პარაზიტული, სოკოვანი ინფექციები. ვიტამინების, მინერალების, ამინომჟავების, ცილების და სხვა აუცილებელი ნივთიერებების შეწოვის დაქვეითება. საჭმლის მომნელებელი სისტემის პათოლოგია, მათ შორის სტომატიტების და კუჭ-ნაწლავის ტრაქტის ლორწოვანი გარსი სხვადასხვა ეტიოლოგიის ანთებითი მოვლენების დროს. ორსულთა ტოქსიკოზის სიმპტომური გამოვლინებები. ინფიცირებული ჭრილობები და გამონაყარი (გარეგანი გამოყენება). დოზირება და მიღების წესი: მიიღება პერორალურად- 5 წვეთი გახსნილი ნახევარ ჭიქა გამოხდილ ან ანადუღარ ცივ წყალში 3-ჯერ დღეში კვებამდე 15-30 წუთით ადრე, 3-4 კვირის განმავლობაში. საჭიროების შემთხვევაში მკურნალობის კურსი მეორდება 2-კვირიანი ინტერვალის შემდეგ. გარეგანი გამოყენება- საფენები ხსნარის სახით 2-3 ჯერ დღეში: 10 წვეთი გახსნილი ნახევარ ჭიქა გამოხდილ ან ანადუღარ ცივ წყალში. უკუჩვენება და გვერდითი მოვლენები: არ არის დადგენილი. შენახვის პირობები და ვადა: ინახება მზის სხივებისგან დაცულ ადგილას. შენახვის ვადა: 3 წელი. გაცემის წესი: გაიცემა ურეცეპტოდ. კვლევები: შ.პ.ს. "მკურნალი" ექიმი: რეპროდუქტოლოგი, ჰომეოპათი შორენა მაისურაძე
ორშაბათი, 11 აგვისტო 2008 05:10 - 6286 ნანახია - 0 პასუხი - ბეჭდვა -  ელფოსტა
მედიკამენტები/ენდოკრინოლოგია
ავტორი: Med Doctor
კაბოტრიმი (Cabotrim) CABERGOLINE TRIMA ISRAEL PHARMACEUTICAL PRODUCTS MAABAROT, ისრაელი ათქ კლასიფიკაციის კოდი: G02CB03 შემადგენლობა და გამოშვების ფორმა ტაბლეტები: შეფუთვაში 2 და 8 ც. 1 ტაბ. კაბერგოლინი. . . . . . . 0,5 მგ. კლინიკურ-ფარმაკოლოგიური ჯგუფი ჰორმონული საშუალება (პროლაქტინის სეკრეციის ინჰიბიტორი). ფარმაკოლოგიური თვისებები პრეპარატი წარმოადგენს ერგოლინის წარმოებულს. მისი მოქმედების მექანიზმი დაკავშირებულია ჰიპოფიზის ლაქტოტროპულ უჯრედებში დოფამინის D2-რეცეპტორების პირდაპირ სტიმულაციასთან. შედარებით დიდ დოზებში, ვიდრე პროლაქტინის სეკრეციის დასათრგუნად არის საჭირო, იწვევს ცენტრალურ დოფამინერგულ ეფექტს, რაც განპირობებულია დოფამინური D2-რეცეპტორების სტიმულაციით. პლაზმაში პროლაქტინის კონცენტრაციის დაქვეითებას ადგილი აქვს 3 სთ-ის შემდეგ კაბერგოლინის მიღებიდან, რომელიც გრძელდება 7-28 დღე ჯანმრთელ მოხალისეებში და 14-21 დღემდე პაციენტებში მშობიარობის შემდგომი ლაქტაციის დასათრგუნად. ფარმაკოკინეტიკა კაბერგოლინი პერორალური მიღებისას სწრაფად აბსორბირდება კუჭ-ნაწლავის ტრაქტიდან. საკვების მიღება ხელს არ უშლის აქტიური ნივთიერების შეწოვასა და განაწილებას. პლაზმაში აქტიური ნივთიერების მაქსიმალური კონცენტრაცია აღინიშნება 0,5-4 სთ-ის შემდეგ. 41-42%-ით უკავშირდება სისხლის პლაზმის ცილებს. ნახევრადგამოყოფის პერიოდი ჯანმრთელ მოხალისეებში შეადგენს 63-68 სთ-ს, ხოლო ჰიპერპროლაქტინემიით შეპყრობილ პაციენტებში 79-115 სთ-ს. პრეპარატი გამოიყოფა ძირითადად თირკმელების საშუალებით. ჩვენებები ფიზიოლოგიური მშობიარობის შემდგომი ლაქტაციის შეწყვეტა ან ლაქტაციის ხელოვნურად დათრგუნვა: დედის სურვილის მიხედვით, ან იმ შემთხვევაში, როდესაც ძუძუთი კვება წინააღმდეგნაჩვენებია, როგორც დედისთვის ასევე ნაყოფისთვის. მკვდრადშობილი ნაყოფი ან აბორტი. ჰიპეპროლაქტინემიით გამოწვეული დისფუნქციის მკურნალობა (ქალებში- ამენორეა, ოლიგომენორეა, ანოვულაცია, გალაქტორეა, უნაყოფობა, მამაკაცებში- იმპოტენცია, ლიბიდოს დაქვეითება). ჰიპოფიზის პროლაქტინ-სეკრეტორული ადენომების მკურნალობა (მიკრო და მაკროპროლაქტინემიით). იდიოპათიური ჰიპეპროლაქტინემია ან “ცარიელი” თურქული კეხის სინდრომი, რომელიც წარმოადგენს ძირითად პათოლოგიურ მდგომარეობას ასოცირებულს ჰიპეპროლაქტინემიასთან. დოზირების რეჟიმი მშობიარობის შემდგომი ლაქტაციის დასათრგუნად ინიშნება 1მგ (2 ტაბლეტი 0,5 მგ) ერთხელ მშობიარობიდან პირველივე დღეს. დაწყებული ლაქტაციის დასათრგუნად- 0,25 მგ (1/2 ტაბლეტი) 2-ჯერ დღეში ყოველ 12 სთ-ში 2 დღის განმავლობაში (ჯამური დოზა 1 მგ). აღნიშნული დოზირებისას გვერდითი ეფექტები (განსაკუთრებით არტერიული ჰიპოტენზია) ნაკლებად აღინიშნება. ჰიპეპროლაქტინემიის სამკურნალოდ პრეპარატი ინიშნება კვირაში 1-2-ჯერ (მაგ. ორშაბათს ან ორშაბათს და ხუთშაბათს). საწყისი დოზა შეადგენს ½ ტაბლეტს (0,25 მგ) ან 1 ტაბლეტს (0,5 მგ) კვირაში. თერაპიული ეფექტის მიხედვით, აუცილებლობის შემთხვევაში, შესაძლებელია დოზის გაზრდა. კვირის დოზის მომატება წარმოებს თანდათანობით (0,5 მგ 1-თვიანი ინტერვალით). საშუალო თერაპიული დოზა შეადგენს 1 მგ-ს კვირაში და შეიძლება მისი მერყეობა 0,25 მგ-დან 2 მგ-მდე კვირაში. ჰიპეპროლაქტინემიით შეპყრობილ პაციენტებში იყენებენ 4,5 მგ-ს კვირაში. პრეპარატის მიღება ხდება ჭამის დროს. უკუჩვენებები კაბერგოლინის და ჭვავის რქის ალკალოიდების მიმართ მომატებული მგრძნობელობა და ალერგიული რეაქციები. ღვიძლის ფუნქციის მკვეთრად გამოხატული მოშლა. ორსულთა ტოქსიკოზი. ანამნეზში მშობიარობის შემდგომი ფსიქოზი.16 წლამდე ასაკი. გვერდითი მოვლენები ხშირად: არტერიული წნევის დაქვეითება, თავბრუსხვევა, თავის ტკივილი, უძილობა, ტკივილები მუცლის არეში. ხანგრძლივი მიღებისას: დისპეფსიური მოვლენები, საერთო სისუსტე, გასტრიტი, ღებინება, გაუვალობა, სარძევე ჯირკვლების ტკივილი, წამოხურება, დეპრესია, პარესთეზიები, (აღნიშნული სიმპტომები გამოხატულია ზომიერად და ვლინდება პრეპარატის მიღებიდან პირველი 2 კვირის განმავლობაში და თავისით გაივლის). ორსულობა და ლაქტაცია რეკომენდებული არ არის პრეპარატის გამოყენება ორსულობის პერიოდში და ძუძუთი კვების დროს. იმ შემთხვევაში, როდესაც პრეპარატის გამოყენებისას ლაქტაციის დათრგუნვის მიზნით სასურველი ეფექტი არ აღინიშნება, აუცილებელია ძუძუთი კვებისაგან თავის შეკავება და ექიმთან კონსულტაცია. მკურნალობის დაწყებისას, საჭიროა გამოირიცხოს ორსულობა და შემდგომში გამოყენებულ იქნას კონტრაცეპციის მექანიკური მეთოდები. ვინაიდან პრეპარატის ორგანიზმიდან ნახევრადგამოყოფის პერიოდი ხანგრძლივია, მენსტრუალური ციკლის აღდგენის შემდეგ რეკომენდებულია პრეპარატის მიღების შეწყვეტა ჩასახვამდე 1 თვით ადრე, რათა თავიდან იქნას აცილებული მისი მოქმედება ნაყოფზე. განსაკუთრებული მითითებები გულ-სისხლძარღვთა სისტემის დაავადებით შეპყრობილ პირებში, თირკმელების ფუნქციის მკვეთრად გამოხატული დარღვევა, კუჭისა და 12-გოჯა ნაწლავის წყლულოვანი დაავადება, კუჭიდან და ნაწლავებიდან სისხლდენა, რეინოს დაავადება, ფსიქიური დაავადება მოითხოვს სიფრთხილეს პრეპარატის დანიშვნისას, ისევე როგორც ჰიპოტენზიური პრეპარატებით მკურნალობის ფონზე. ეფექტური დოზის შერჩევისას, რეკომენდებულია სისხლში პროლაქტინის რეგულარული (თვეში ერთხელ) კონტროლი. მისი ნორმალიზაცია აღინიშნება 2-4 კვირიანი მკურნალობის შემდეგ. პრეპარატის ხანგრძლივი მიღებისას საჭიროა რეგულარული გინეკოლოგიური გამოკვლევები, ცერვიკალური და ენდომეტრიუმის ჰისტოლოგიური გამოკვლევის ჩათვლით. პაციენტებს, პრეპარატის მიღების პერიოდში, ეკრძალებათ ავტოტრანსპორტის მართვა და იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას. ჭარბი დოზირება გულისრევა, ღებინება, ცვლილებები კუჭ-ნაწლავის ტრაქტის მხრივ, არტერიული ჰიპოტენზია, მეხსიერების დარღვევა, ფსიქოზი, ჰალუცინაციები. ამ დროს საჭიროა კუჭის გაწმენდა, შემდგომი არტერიული წნევის კონტროლით, რეკომენდებულია დოფამინის ანტაგონისტების დანიშვნა. სხვა მედიკამენტებთან ურთიერთქმედება კაბერგოლინის და მაკროლიდების ჯგუფის ანტიბიოტიკების (მაგ. ერითრომიცინი) ერთდროული დანიშვნისას, ძლიერდება გვერდითი ეფექტების განვითარების რისკი. ფენოთიაზინის წარმოებულებთან, ბუტიროფენონებთან, თიოქსანტენებთან და მეტოკლოპრამიდთან კომბინაცია იწვევს კაბერგოლინის ეფექტის დაქვეითებას. შენახვის პირობები და ვადა ინახება გრილ, მშრალ და ბნელ ადგილას, არაუმეტეს 25°C ტემპერატურაზე.  
ორშაბათი, 11 აგვისტო 2008 05:10 - 3444 ნანახია - 0 პასუხი - ბეჭდვა -  ელფოსტა
მედიკამენტები/გინეკოლოგია
ავტორი: Med Doctor
ფოლიმონი (Follimon) Urofollitropin LG LIFE SCIENCES, კორეა ათქ კლასიფიკაციის კოდი: G03GA04 შემადგენლობა და გამოშვების ფორმა ლიოფილიზირებული ფხვნილი საინექციო ხსნარის მოსამზადებლად: ფლაკონში, შეფუთვაში 1ც. გამხსნელთან (ამპულა ან ფლაკონი 1 მლ ნატრიუმის ქლორიდის იზოტონური, სტერილური და აპიროგენული საინექციო ხსნარი) კომპლექტში. 1 ფლ. უროფოლიტროპინი. . . . . . . 75 სე კლინიკურ-ფარმაკოლოგიური ჯგუფი ფოლიკულომასტიმულირებელი ჰორმონი. ფარმაკოლოგიური მოქმედება ფოლიმონი წარმოადგენს ფოლიკულის მასტიმულირებელ ჰორმონს (ფმჰ, უროფოლიტროპინი), რომელიც მიღებულია პოსტმენოპაუზური ასაკის ქალის შარდიდან და გასუფთავებულია. ფმჰ წარმოიქმნება ჰიპოფიზის ჯირკვლის წინა ნაწილის მიერ და მოქმედებს საკვერცხის ფოლიკულების განვითარებაზე. ფოლიმონი გამოიყენება უშვილობის დროს ფოლიკულის მოსამწიფებლად. იმის გამო, რომ ფოლიმონი არ შეიცავს მალუთეინიზირებელ ჰორმონს, იგი წარმოადგენს უშვილობის სამკურნალო უსაფრთხო პრეპარატს, რომლის დროსაც მცირდება ისეთი გვერდითი ეფექტების გამოვლენის რისკი, როგორიცაა საკვერცხის ჰიპერსტიმულაციური სინდრომი და სპონტანური აბორტი. ადამიანის ქორიონული გონადოტროპინი (აქგ, IVF-C) გამოიყენება ფოლიმონის მიღების შემდეგ, როდესაც მოხდება ფოლიკულის მომწიფება. ჩვენებები ოვულაციის გამოწვევა პოლიკისტოზური სინდრომის მქონე პაციენტებში: ამენორეა, ოვულაციის სუპრესია, ჰორმონალური დისბალანსით (მალუთეინიზირებელი ჰორმონის/ფმს-ს შეფარდების მაღალი მაჩვენებელი) გამოწვეული უშვილობა. ხელოვნური განაყოფიერება (in vitro განაყოფიერების ოპერაცია): სუპეროვულაციის გამოწვევა. დოზირების რეჟიმი ოვულაციის ინდუქცია: თუმცა საწყისი რეკომენდებული დოზა უნდა შეირჩეს ინდივიდუალურად, ფოლიმონის (უროფოლიტროპინი 75სე) 1 ფლაკონი ინიშნება ყოველდღიურად, ინტრამუსკულარულად, 7-12 დღის განმავლობაში, ხოლო უროფოლიტროპინის ბოლო ინექციიდან 1 დღის შემდეგ კეთდება 5 000-10 000 სე ადამიანის ქორიონული გონადოტროპინი (IVF-C). თუ ფოლიკულა არასაკმარისად არის მომწიფებული, ასეთ შემთხვევაში უროფოლიტროპინი ინიშნება 12 დღეზე მეტი ხნის განმავლობაში, მანამდე სანამ ესტროგენის დონე არ გადააჭარბებს ჯანმრთელი ქალის მაჩვენებლებს. თუ უროფოლიტროპინით მკურნალობის დასრულებისას საკვერცხე არის არანორმალურად გადიდებული, ასეთ შემთხვევაში აქგ (ადამიანის ქორიონული გონადოტროპინი) აღარ ინიშნება. თუ ოვულაციის მიუხედავად პაციენტი არ დაორსულდა, აღნიშნული დოზირების რეჟიმი უნდა განმეორდეს სულ მცირე 2 კურსის სახით და უროფოლიტროპინის დოზა უნდა გაიზარდოს 150 სე/დღეში (2 ფლაკონი 7-12 დღის განმავლობაში), ხოლო უროფოლიტროპინის ბოლო მიღებიდან 1 დღის შემდეგ კეთდება 5 000-10 000 სე ადამიანის ქორიონული გონადოტროპინი (IVF-C). თუ ოვულაციის მიუხედავად პაციენტი არ დაორსულდა, იგივე რეჟიმი უნდა განმეორდეს 2 კურსის სახით. არ არის რეკომენდირებული აღნიშნულ დოზაზე მაღალი დოზის გამოყენება. ხელოვნური განაყოფიერება: უროფოლიტროპინის (150 სე) 2 ფლაკონი კეთდება მანამდე, სანამ ადრეულ ფოლიკულარულ ფაზაში (ციკლი 2, 3) არ მოხდება ფოლიკულის საკმარისი მომწიფება. ზოგადად მკურნალობის ხანგრძლივობა არ აჭარბებს 10 დღეს. მიღების წესი: 1 ფლაკონი უროფოლიტროპინი უნდა გაიხსნას 1-2 მლ სტერილურ, საინექციო ნატრიუმის ქლორიდის ხსნარში. მომზადების შემდეგ იგი დაუყოვნებლივ კეთდება ინტრამუსკულარულად. დაუშვებელია დარჩენილი სითხის გამოყენება შემდგომი ინექციისათვის. უკუჩვენებები მალუთეინიზირებელი ჰორმონის ან ფმჰ-ს მაღალი დონე, რაც მიუთითებს საკვერცხის პირველად უკმარისობაზე. ფარისებრი და თირკმელზედა ჯირკვლის დისფუნქცია. ინტრაკრანიული დარღვევები, როგორიც არის ჰიპოფიზის სიმსივნე. უშვილობის ნებისმიერი მიზეზი, გარდა ანოვულაციისა. საკვერცხის კისტები, რომელიც არ არის დაკავშირებული საკვერცხის პოლიკისტოზთან. ჰიპერმგრძნობელობა უროფოლიტროპინის მიმართ. ორსულობა. განსაკუთრებული მითითებები ნებისმიერი საშუალო და მძიმე ხარისხის გვერდითი ეფექტების გამოვლენის შემთხვევაში საჭიროა პაციენტის მონიტორინგი. 1) შესაძლოა საკვერცხის გადაჭარბებული სტიმულაცია: (I) საკვერცხის გადიდება- უროფოლიტროპინის და აქგ-ს კომბინირებული მკურნალობის შემდეგ. პაციენტების 20%-ში შესაძლოა გამოვლინდეს საკვერცხის გადიდება, რასაც თან ახლავს მუცლის შებერვა და მუცლის ტკივილი, თუმცა აღნიშნული მოვლენები ჩვეულებრივ გაივლის 2-3 კვირის განმავლობაში. აღნიშნული მოვლენების თავიდან ასაცილებლად საჭიროა უროფოლიტროპინის მინიმალური რაოდენობის გამოყენება და დაკვირვება საკვერცხის საპასუხო რეაქციაზე. თუ უროფოლიტროპინის ინექციის დროს გამოვლინდება საკვერცხის არანორმალური გადიდება, ასეთ შემთხვევაში არ არის სასურველი აქგ-ს შეყვანა. (II) საკვერცხის ჰიპერსტიმულაციის სინდრომი (სჰს)- სჰს ხასიათდება სწრაფი პროგრესირებით და სითხის ინფუზიით პერიტონიუმის და გულ-მკერდის ღრუში და ასევე პერიკარდიუმში, რაც გამოწვეულია სისხლძარღვთა განვლადობის გაზრდით. სჰს-ს ადრეულ სიმპტომებს წარმოადგენს მენჯის ძლიერი ტკივილი, გულისრევა, ღებინება და წონის დაკლება. შესაძლებელია გამოვლინდეს შემდეგი სიმპტომები: მუცლის ტკივილი, მუცლის შებერილობა, კუჭ-ნაწლავის სიმპტომები, როგორიც არის: გულისრევა, ღებინება და დიარეა, საკვერცხის ძლიერ გადიდება, წონის მომატება, ქოშინი, ოლიგურია, ჰიპოვოლემია, ჰემოკონცენტრაცია, ელექტროლიტური დისბალანსი, ასციტი, ჰემოპერიკარდიუმი, პლევრალური ექსუდატი, ჰიდროთორაქსი, მწვავე პულმონალური დისტრესი, თრომბოზი. უროფოლიტროპინის მკურნალობის დროს, სჰს გვხდება ანოვულატორულ პაციენტთა დაახლოებით 6%-ში, ხოლო ხელოვნური განაყოფიერების შემთხვევაში კი - 0,25%-ში. იმის გამო, რომ სჰს ძალიან სწრაფად ვითარდება, პაციენტი უნდა იმყოფებოდეს დაკვირვების ქვეშ აქგ-ს მიღებიდან 2 კვირის განმავლობაში. სჰს ჩვეულებრივ ქრება მენსტრუაციის დაწყებასთან ერთად. სჰს-ს განვითარების შემთხვევაში მკურნალობა უნდა შეწყდეს, უნდა მოხდეს პაციენტის ჰოსპიტალიზაცია, ჩატარდეს პირველადი სიმპტომური მკურნალობა, რაც მოიცავს წოლით რეჟიმს, სითხის და ელექტროლიტების ბალანსის აღდგენას და ტკივილგამაყუჩებლების მიღებას. 2) შესაძლოა განვითარდეს სასუნთქი და კარდიოვასკულარული სისტემის მხრივ დაღვევები (ატელექტაზი, სუნთქვის მწვავე დისტრესის სინდრომი, თრომბოზი შესაძლებელია განვითარდეს როგორც სჰს-ის დროს, ასევე მის გარეშეც). 3) ცნობილია, რომ მრავალნაყოფიანი ორსულობა დაკავშირებულია უროფოლიტროპინით მკურნალობასთან. უროფილიტროპინის კლინიკური კვლევიდან გამოვლინდა, რომ მკურნალობის შემდეგ ერთნაყოფიანი მშობიარობა შეადგენდა 83%-ს, ხოლო მრავალნაყოფიანი მშობიარობა 17%-ს. გვერდითი მოვლენები საკვერცხის ჰიპერსტიმულაცია, საკვერცხის ზომიერად გადიდება, საკვერცხის კისტა, მუცლის ტკივილი, ჰიპერმგრძნობელობა, კუჭ-ნაწლავის მხრივ სიმპტომები, ინექციის ადგილას ადგილობრივი გაღიზიანების ნიშნები, როგორიცაა ტკივილი, გამონაყარი, შეშუპება, მკერდის არეში ტკივილი, თავის ტკივილი, დერმატოლოგიური სიმპტომები. ასევე შესაძლებელია განვითარდეს საშვილოსნოსგარე ორსულობა, თანდაყოლილი ანომალიები, პულმონარული და სისხლძარღვოვანი დარღვევები, ასციტთან დაკავშირებული სისხლდენა. სიფრთხილის ზომები უროფოლიტროპინის მკურნალობამდე უნდა ჩატარდეს შესაბამისი გამოკვლევები. მკურნალობის დაწყებამდე პაციენტი უნდა გააფრთხილონ მკურნალობის ხანგრძლივობაზე, მათი მონიტორინგის აუცილებლობაზე, მოსალოდნელ გვერდით მოვლენებზე და მრავალნაყოფიან მშობიარობაზე. შენახვის პირობები და ვადა ინახება 25°C-ზე დაბალ ტემპერატურაზე. შენახვის ვადა- 24 თვე.  
ორშაბათი, 11 აგვისტო 2008 05:10 - 4092 ნანახია - 0 პასუხი - ბეჭდვა -  ელფოსტა
მედიკამენტები/გინეკოლოგია
ავტორი: Med Doctor
IVF-C Human Chorionic Gonadotropin LG LIFE SCIENCES, კორეა ათქ კლასიფიკაციის კოდი: G03GA01 შემადგენლობა და გამოშვების ფორმა ლიოფილიზირებული ფხვნილი საინექციო ხსნარის მოსამზადებლად: ფლაკონში, შეფუთვაში 1ც და 3ც. გამხსნელთან (ამპულა ან ფლაკონი 1 მლ ნატრიუმის ქლორიდის იზოტონური, სტერილური და აპიროგენული საინექციო ხსნარი) კომპლექტში. 1 ფლ. ადამიანის ქორიონული გონადოტროპინი. . . . . . 1 000 სე. ადამიანის ქორიონული გონადოტროპინი. . . . . . 5 000 სე. დამხმარე ნივთიერებები: D-მანიტოლი. კლინიკურ-ფარმაკოლოგიური ჯგუფი ადამიანის ქორიონული გონადოტროპინი. ფარმაკოლოგიური მოქმედება IVF-C წარმოადგენს ორსული ქალის შარდიდან მიღებულ და გასუფთავებულ ადამიანის ქორიონის გონადოტროპინს (აქგ). აქგ წარმოადგენს წყალში ხსნად პოლიპეპტიდურ ჰორმონს, რომელიც წარმოიქმნება ადამიანის პლაცენტის მიერ. აქგ-ს მოქმედება მსგავსია ჰიპოფიზის მიერ გამოყოფილი მალუთეინიზირებელი ჰორმონისა, თუმცა, აქგ-ს ასევე მცირე რაოდენობით გააჩნია ფოლიკულომასტიმულირებელი ჰორმონის მოქმედებაც. კაცებში IVF-C ინიშნება, რათა სათესლეს ინტერსტიციული უჯრედების (ლეიდიგის უჯრედები) სტიმულირების შედეგად წარმოიქმნას ანდროგენები, ხოლო ქალებში ინიშნება ციკლის II ფაზაში ყვითელი სხეულის ფუნქციის შენარჩუნების და პროგესტერონის სეკრეციის სტიმულირების მიზნით. IVF-C გამოიყენება საკვერცხის ფოლიკულების საბოლოო განვითარების და მომწიფებისათვის და ასევე ოვულაციის გამოსაწვევად. ამის გამო, IVF-C ინიშნება ფოლიმონის (უროფოლიტროპინის) ან IVF-M (მენოტროპინის) მიღების შემდეგ, როდესაც მოხდება ფოლიკულის მომწიფება. ჩვენებები ჰიპოგონადოტროპული დარღვევები: კრიპტორქიზმი, ჰიპოგონადიზმი, ჰიპოგონადოტროპული ევნუქოიდიზმი, სპერმის ასთენია, აზოოსპერმია, ჰიპომენორეა (გახანგრძლივებული ფოლიკულარული ფაზა), ჰიპერმენორეა ან მეტროპათიული ჰემორაგია, მოსალოდნელი აბორტი, განმეორებადი აბორტი, პირველადი და მეორადი ამენორეა ან ანოვულატორული ციკლი. დოზირების რეჟიმი 1. კრიპტორქიზმი, ჰიპოგონადიზმი, ჰიპოგონადოტროპული ევნუქოიდიზმი: თუ არ არის განსაკუთრებული მითითება, ასეთ შემთხვევაში ინიშნება 5 000 სე ან 1 000 სე კუნთებში, ყოველ მეორე დღეს გარკვეული პერიოდის განმავლობაში. IVF-C-ს გამოყენებისას განსაკუთრებული სიფრთხილეა საჭირო, რათა არ მოხდეს სასქესო ჯირკვლების ჭარბი განვითარება ან ნაადრევი სქესობრივი მომწიფება. განსაკუთრებული სიფრთხილეა საჭირო ახალგაზრდა პაციენტებში. 2. სპერმის ასთენია, აზოოსპერმია: 5 000 სე IVF-C კომბინირებული 500 სე მენოტროპინთან, ყოველ დღე 90-120 დღის განმავლობაში. 3. ჰიპომენორეა (გახანგრძლივებული ფოლიკულური ფაზა): 1 000 სე IVF-C ინიშნება ყოველდღე, მენსტრუაციის დღემდე. 4. ჰიპერმენორეა ან მეტროპათია ჰემორაგიკა: 1 000 სე IVF-C ინიშნება ყოველდღიურად მენსტრუაციული ციკლის მე-2 კვირის განმავლობაში. აღნიშნულზე მაღალი დოზის მიღება შესაძლებელია მხოლოდ ექიმის რეკომენდაციის შემდეგ. 5. მოსალოდნელი აბორტი: 5 000 სე IVF-C ინიშნება დაუყოვნებლივ და მეორდება დღეში 2-ჯერ, აბორტის რისკის გაქრობამდე. ამის შემდეგ დოზა მცირდება და შეადგენს 1 000 სე კვირაში 2-ჯერ. 6. განმეორებადი აბორტი: 5000 სე IVF-C ინიშნება ყოველ მეორე დღეს, ორსულობის II-III თვეში, ხოლო მომდევნო 2 თვის განმავლობაში კეთდება 1 000 სე. 7. პირველადი და მეორადი ამენორეა: ჰიპოფიზის დაქვეითებული ფუნქციის პერიოდში ან ჰიპოფიზის გონადოტროპინების მიმართ საკვერცხეების მგრძნობელობის დაქვეითების შემთხვევაში, ექიმის მითითების შესაბამისად საჭიროა საკვერცხის სტიმულაცია მენოტროპინის შესაბამისი რაოდენობის შეყვანით. ამის შემდეგ ინექცია გრძელდება მანამდე, სანამ ესტროგენი არ მიაღწევს შესაბამის დონეს. ოვულაციის გამოწვევა ხდება მომდევნო 1-2 დღის განმავლობაში ყოველდღიურად 2 000 სე IVF-C-ს შეყვანით. განსაკუთრებული მითითებები 1. IVF-C არ გამოიყენება შემდეგ პაციენტებში: 1) პაციენტები, რომელთაც აქვთ პროსტატის კარცინომა ან სხვა ანდროგენდამოკიდებული სიმსივნე, ან ეჭვობენ აღნიშნული დაავადების არსებობაზე. 2) პაციენტები, რომელთაც გონადოტროპინის ინექციისას გამოუვლინდათ ალერგიული რეაქცია. 3) ნაადრევი სქესობრივი მომწიფება. 2. IVF-C სიფრთხილით გამოიყენება შემდეგ პაციენტებში: 1) პროსტატომეგალიის მქონე პაციენტები. 2) ეპილეფსიის, შაკიკის, ასთმის, გულის და თირკმლის დაავადებების მქონე პაციენტები (ანდროგენების ჭარბად წარმოქმნის შედეგად შეიძლება განვითარდეს სითხის შეკავება, შეშუპება და ა.შ.). სიფრთხილის ზომები იმ შემთხვევაში, თუ ქალის უშვილობის მკურნალობის მიზნით დანიშნული აქგ გამოიყენება ფოლიკულომასტიმულირებელი ჰორმონის მიღების შემდეგ ან კომბინაციაში მასთან ერთად, ასეთ შემთხვევაში შესაძლებელია განვითარდეს საკვერცხის ჰიპერსტიმულაციის სიმპტომები, როგორიც არის მეიგსის სინდრომი, რომელსაც თან ახლავს საკვერცხის შეშუპება, შეშუპებული საკვერცხის გასკდომა, ასციტი, პლევრაში სითხის დაგროვება. ასევე სიფრთხილე არის საჭირო შემდეგ შემთხვევებში: 1) იმის გამო რომ გაზრდილია მრავალნაყოფიანი ორსულობის რისკი, პაციენტი წინასწარ უნდა იყოს ინფორმირებული ამის შესახებ. 2) თუ პაციენტს აქვს სუბიექტური სინდრომები, როგორიც არის მუცლის ტკივილი, დისკომფორტი მუცელში, ღებინება, წელის ტკივილი და ა.შ., ასეთ შემთხვევაში საჭიროა პაციენტი იმყოფებოდეს ექიმის მეთვალყურეობის ქვეშ. 3) საკვერცხის შეშუპების გამოვლენის მიზნით საჭიროა გამოკვლევის ჩატარება. სხვა მედიკამენტებთან ურთიერთქმედება იმ შემთხვევაში, თუ ქალის უშვილობის მკურნალობის მიზნით დანიშნული აქგ გამოიყენება ფოლიკულომასტიმულირებელი ჰორმონის მიღების შემდეგ ან კომბინაციაში მასთან ერთად, შესაძლებელია განვითარდეს საკვერცხის ჰიპერსტიმულაციის სიმპტომები. შენახვის პირობები და ვადა ინახება სინათლისგან დაცულ, გრილ ადგილას, არაუმეტეს 15°C ტემპერატურაზე. შენახვის ვადა: 24 თვე.
ორშაბათი, 11 აგვისტო 2008 05:10 - 3704 ნანახია - 0 პასუხი - ბეჭდვა -  ელფოსტა
მედიკამენტები/გინეკოლოგია
ავტორი: Med Doctor
IVF-M Menotropins (Human Menopausal Gonadotrophin) LG LIFE SCIENCES, კორეა ათქ კლასიფიკაციის კოდი: G03GA02 შემადგენლობა და გამოშვების ფორმა ლიოფილიზირებული ფხვნილი საინექციო ხსნარის მოსამზადებლად: ფლაკონში, შეფუთვაში 1ც და 5ც. გამხსნელთან (ამპულა ან ფლაკონი 1 მლ ნატრიუმის ქლორიდის იზოტონური, სტერილური და აპიროგენული საინექციო ხსნარი) კომპლექტში. 1 ფლ. ადამიანის მენოპაუზური გონადოტროპინი. . . . . . . 75 სე. ადამიანის მენოპაუზური გონადოტროპინი. . . . . . . 150 სე. დამხმარე ნივთიერებები: დ-მანიტოლი. კლინიკურ-ფარმაკოლოგიური ჯგუფი ადამიანის მენოპაუზური გონადოტროპინი. ფარმაკოლოგიური მოქმედება IVF-M წარმოადგენს ბუნებრივ, გასუფთავებულ და მშრალად გაყინულ ადამიანის მენოპაუზურ გონადოტროპინს, რომელიც მიღებულია პოსტმენოპაუზურ პერიოდში მყოფი ქალის შარდიდან. IVF-M-ის თითოეული ფლაკონი შეიცავს თეთრ, სტერილურ და პიროგენული თვისებებისგან თავისუფალ ფხვნილს, რომელსაც ერთდროულად გააჩნია ფოლიკულომასტიმულირებელი ჰორმონის (ფმს) და მალუთეინიზირებელი ჰორმონის (მჰ) მოქმედება. ჩვენებები ქალებში: პირველადი და მეორადი ამენორეა, ჰიპომენორეა, ანოვულატორული მენსტრუაცია, მშობიარობის, მათ შორის ჩიარი-ფრომელის ან შიხანის სიმპტომის (მშობიარობის შემდეგ განვითარებული ჰიპოფიზის ნეკროზი) შემდეგ განვითარებული ამენორეა, არგონს-კასტილეს სინდრომი (ამენორეული გალაქტორეა). ისევე როგორც ქალებში, IVF-M ასტიმულირებს ფოლიკულების ზრდას და მომწიფებას, ასევე ხელს უწყობს ესტროგენების დონის გაზრდას და ენდომეტრიუმის პროლიფერაციას. IVF-M გამოიყენება ოვულაციის ინდუქციის მიზნით ამენორეის მქონე ან ანოვულაციურ ქალებში, რომელთაც გააჩნიათ რეგულარული ან არარეგულარული ციკლი, რის შემდეგაც შეჰყავთ ადამიანის ქორიონული გონადოტროპინი (აქგ IVF-C). მამაკაცებში: ოლიგოსპერმია, აზოოსპერმია, ჰიპოგონადიზმი, ევნუქოიდიზმი. IVF-M კაცებში მოქმედებს სათესლე მილებში არსებულ სერტოლის უჯრედებზე, აძლიერებს ანდროგენის შემბოჭველი ცილის წარმოქმნას, რის შედეგადაც ასტიმულირებს სპერმატოგენეზს. IVF-M და IVF-C-ს მკურნალობა ინიშნება პირველადი ან მეორადი ჰიპოგონადოტროპული ჰიპოგონადიზმის მქონე კაცებში სპერმატოგენეზის სტიმულაციის მიზნით. დოზირების რეჟიმი რეჟიმი ა: 75 სე ან 150 სე მენოტროპინი (IVF-M) ინიშნება კუნთებში, 10 დღის განმავლობაში ან სანამ ფოლიკულის აქტივაციის ტესტი არ გამოავლენს სისხლდენას გრააფის ფოლიკულიდან. საშოს და საშვილოსნოს ყელის გამოკვლევა უნდა ჩატარდეს ყოველდღე ან ყოველ მეორე დღეს, ხოლო მკურნალობა წყდება, როდესაც ქვემოთ მოყვანილი ინდექსები მიუთითებს ფოლიკულის სრულ მომწიფებაზე. საშოს გამოკვლევა: ეოზინოფილების ინდექსი. საშვილოსნოს ლორწოვანის გამოკვლევა: ფერნტესტი და შაინბარკიტი. რეჟიმი “ა”-ს დროს რეკომენდირებულია ჩატარდეს ინდივიდუალური მგრძნობელობის ტესტი გონადოტროპინების მიმართ. რეჟიმი “ბ” ეკონომიურია, თუმცა საჭიროა ფოლიკულის მგრძნობელობის პასუხის გაკონტროლება. განსაკუთრებული სიფრთხილე 1) IVF-M გამოიყენება მხოლოდ ექიმის დანიშნულების შესაბამისად. 2) ქალები-IVF-M მიღება უნდა შეწყდეს, როდესაც მკურნალობა არაეფექტურია. მაგალითად: საკვერცხის დისგენეზია. საშვილოსნოს არარსებობა. ნაადრევი მენოპაუზა. საშვილოსნოს მილების ობტურაცია. ჰიპოთირეოზის, თირკმელზედა ჯირკვლის უკმარისობის, ჰიპერპროლაქტინემიის ან ჰიპოფიზის სიმსივნის მკურნალობა უნდა ჩატარდეს პირველ ეტაპზე. IVF-M-ის მკურნალობამდე უნდა ჩატარდეს სპერმის ანალიზი. საშვილოსნოს ჰიპერსტიმულაციის ალბათობა შეიძლება შემცირდეს რეკომენდებული დოზის მიღებით და მონიტორინგით. ესტროგენის ჭარბი გამოყოფა IVF-M-ის საპასუხოდ ზოგადად არ იწვევს მნიშვნელოვან გვერდით მოვლენებს, თუ IVF-C-ს მიღება არ ხდება ოვულაციის გამოწვევის მიზნით. IVF-M-ის და IVF-C-ს კომბინირებული მიღება უნდა შეჩერდეს იმ შემთხვევაში, თუ ესტროგენების დონე ძალიან იმატებს. IVF-M-ის და IVF-C-ს კომბინირებული მიღების შემდეგ მრავალნაყოფიანი მშობიარობის სიხშირე შეადგენს დაახლოებით 10-40%, თუმცა მრავალნაყოფიანი მშობიარობის შედეგად უმეტესად იბადებიან ტყუპები. აბორტის შედეგად ორსულობის შეწყვეტის სიხშირე გაცილებით მაღალია შედარებით ნორმალურ პოპულაციასთან, თუმცა მსგავსია იმ ქალების სიხშირის მაჩვენებლისა, რომელთაც აქვთ ფერტილობის მხრივ სხვა პრობლემები. თანდაყოლილი ანომალიების სიხშირე არ იზრდება. 3) მამაკაცები- ვინაიდან მამაკაცებში ფოლიკულომასტიმულირებელი ჰორმონის მომატებული დონე მიუთითებს სათესლის პირველადი უკმარისობის შესახებ, ასეთი პაციენტები არ ემორჩილებიან IVF-M -ით და IVF-C-ით კომბინირებულ მკურნალობას. გვერდითი მოვლენები 1. ქალებში: ადგილობრივი რეაქცია ინექციის ადგილას, სიცხე, ართრალგია შესაძლოა გამოვლინდეს იშვიათ შემთხვევებში. 2. მამაკაცებში: IVF-M-ით და IVF-C-ით კომბინირებულმა მკურნალობამ შესაძლოა გამოიწვიოს გინეკომასტია. 3. სისხლმიმოქცევის სისტემა: შესაძლებელია ცერებრული თრომბოზის განვითარება. სხვა მედიკამენტებთან ურთიერთქმედება იმ შემთხვევაში, თუ IVF-M მიიღება საკვერცხის მასტიმულირებელ სხვა ჰორმონებთან ერთად ოვულაციის გამოწვევის მიზნით, შესაძლებელია გამოვლინდეს საკვერცხის მხრივ გადაჭარბებული რეაქცია, მაგალითად მეიგსის სინდრომი, რომელსაც თან ახლავს საკვერცხის შეშუპება, შესიებული საკვერცხის გახეთქვა, ასციტი, ჰიდროთორაქსი. ასევე სისხლის მომატებული კოაგულაციის შედეგად შესაძლებელია განვითარდეს თრომბოზი და ცერებრული ინფარქტი. ორსულობა ცნობილია, რომ IVF-M-ის მიღება მდედრობით სქესის ნაყოფში იწვევს გარეგანი გენიტალიების მასკულინიზაციას, ხოლო მამრობითი სქესის ნაყოფში – ჰიპოსპადიას, ორსულობის პირველი 4 თვის განმავლობაში პრეპარატი მიიღება იმ შემთხვევაში, თუ მკურნალობის მოსალოდნელი სარგებელი აჭარბებს მკურნალობასთან დაკავშირებულ რისკს. * ფიზიოლოგიურ ხსნარში გახსნილი IVF-M გამოიყენება მომზადებისთანავე. შენახვის პირობები და ვადა ინახება სინათლისგან დაცულ ადგილას, ოთახის ტემპერატურაზე (1-30ºC). შენახვის ვადა: 24 თვე.   რეჟიმი ბ: მენოტროპინი (IVF-M) 75 სე ინიშნება კუნთებში პირველი 4 დღის განმავლობაში. უნდა გაკეთდეს საშოს მემბრანის და საშვილოსნოს ყელის ლორწოვანის გამოკვლევა. თუ ფოლიკულური აქტივობა იზრდება მკურნალობის მე-4 დღისთვის, ასეთ შემთხვევაში მკურნალობა გრძელდება ფოლიკულის მაქსიმალურ გააქტივებამდე (იხ. რეჟიმი ა), რის შემდეგაც მკურნალობა გრძელდება ადამიანის ქორიონული გონადოტროპინით (IVF-C). თუ მკურნალობის შედეგი არ არის ადექვატური, ასეთ შემთხვევაში IVF-M-ის დოზა იზრდება 150 სე /დღეში პირველი 4 დღის განმავლობაში. 2500 სე /დღეში ადამიანის ქორიონული გონადოტროპინის (IVF-C) მიღება რეკომენდირებულია IVF-M -ის ბოლო დოზის მიღებიდან 24-48 საათის შემდეგ, 3 დღის განმავლობაში. თუ პაციენტს სურს დაორსულება, ასეთ შემთხვევაში მას სქესობრივი კონტაქტი უნდა ჰქონდეს ადამიანის ქორიონული გონადოტროპინით (IVF-C) მკურნალობის პერიოდში.
ორშაბათი, 11 აგვისტო 2008 05:10 - 3675 ნანახია - 0 პასუხი - ბეჭდვა -  ელფოსტა
მედიკამენტები/გინეკოლოგია
ავტორი: Med Doctor
დუფასტონი (Duphaston) 1. ინფორმაცია პაციენტისთვის 1.1. დუფასტონი, შემოგარსული ტაბლეტები 10მგ/ტაბლეტებში 1.2. შემადგენლობა: აქტიური ინგრედიენტი: დიდროგესტერონი დამატებითი კომპონენტები: ლაქტოზის მონოჰიდრატი, ჰიპრომელოზა, სიმინდის სახამებელი, კოლოიდური ანჰიდრიდული სილიციუმი, მაგნიუმის სტეარატი, ოპადრი Y1-7000 თეთრი (ჰიპრომელოზა, მაკროგოლ 400, ტიტანის დიოქსიდი El71). 1.3. ფარმაცევტული ფორმა: შიგნით მისაღები თეთრი ფერის ტაბლეტები. 1.4. აქტიური ინგრედიენტის რაოდენობა: 1 ტაბლეტი შეიცავს 10 მგ. დიდროგესტერონს. 1.5. აღწერილობა-შეფუთვა: 14 ტაბლეტი (1 ფირფიტა X 14 ტაბლეტი) კოლოფში. 1.6. ფარმაკოთერაპიული ჯგუფი: ჰორმონი (პროგესტაგენი). 1.7. ფარმაკოთერაპიული ჯგუფი: ჰორმონი (პროგესტაგენი). Solvay Pharma ltd, Ag.Dimitriou 63 17 456; Alimos Attica , Tel.: 210.98.97.500 შპს სოლვეი ფარმა, აგ დიმიტრიოუ 63 17 456; ალიმოს ატიკა, ტელ.: 210.98.97.500 1.8. მწარმოებელი: Solvay Biologicals BV, Olst, Netherlands სოლვეი ბიოლოჯიკალს ბ.ვ., ოლსტი, ჰოლანდია 1.9. შემფუთველი: Solvay Biologicals BV, Olst, Netherlands სოლვეი ბიოლოჯიქალს ოლსტი, ჰოლანდია 2. ინფორმაცია მედიკამენტის შესახებ 2.1 ძირითადი ინფორმაცია: გესტაგენები ან იგივე პროგესტაგენები შეიცავენ სინთეზურ და ბუნებრივ პროგესტერონებს: ა) პროგესტერონის წარმოებულები (ჰიდროქსიპროგესტერონი, მედროქსიპროგესტერონი, მეგესტროლი, დიდროგესტერონი, ალილოესტეროლი); ბ) 9-ნორტესტოსტერონის წარმოებულები (ნორეთინდრონი, ნორეთინოდრელი, ნორგესტრელი, ნეზოგესტრელი, ნორგესტიმატი, ნორეთისტერონი). პროგესტინები წარმოადგენენ ლიპოფილურ ნივთიერებებს. ისინი ადვილად შედიან უჯრედებში, სადაც უერთდებიან პროგესტერონის რეცეპტორებს, რომლებიც გვხვდებიან ქალის სასქესო ორგანოებში, სარძევე ჯირკვლებში, თავის ტვინსა და ჰიპოფიზში. პროჟესტერონის საპასუხოდ რეცეპტორი თავის მხრივ იწვევს შესაბამისი გენების გააქტიურებას და არეგულირებს მათ ექსპრესიას. გესტაგენი აძლიერებს უჯრედების დიფერნციაციას, და ახდენს ესტროგენის საწინააღმდეგო ეფექტს უჯრედების პროლიფერაციაზე. პროგესტერონი ხელს უწყობს ჰიპერპლაზიური ენდომეტრიუმის სეკრეტორულ ფაზაში გადასვლას. აინჰიბირებს გონადოტროპინების წარმოქმნას. ნორტესტოსტერონის წარმოებულებს აქვთ უფრო ძლიერი ანაბოლური და ანდროგენული მოქმედება, ასტიმულირებენ მკერდის ქსოვილის გაზრდას, და საშვილოსნოს ყელის ლორწოს გასქელებას, ხელს უწყობს სხეულის ტემპერატურის მომატებას. შინით მისაღები პროგესტერონი განიცდის ღვიძლში პირველი გავლის ეფექტს, ამიტომ მისი ბიოშეღწევადობა დაბალია. ნორტესტოსტერონის წარმოებულების მეტაბოლიზმი ღვიძლში ნაკლებად ინტენსიურია. პროგესტინები საბოლოოდ გარდაიქმნებიან ჰიდროქსი მეტაბოლიტებად, რომლებიც შემდეგ უერთდებიან სულფატებსა და გლუკურონიდების ჯგუფებს და გამოიყოფიან შარდთან ერთად. პლაზმაში პროგესტერონი უერთდება კორტიკოსტეროიდ-მისაერთებელ გლობულინებს, ხოლო 19-ნორტესტოსტერონის წარმოებულები კი- სასქესო ჰორმონებთან მისაერთებელ გლობულინებს. 2.2. ჩვენებები: ციკლის ლუთეინური ფაზის უკმარისობით გამოწვეული მდგომარეობები: დისმენორეა, მენორაგია, მეორადი ამენორეა. ჰორმონ-ჩანაცვლებითი თერაპია ესტროგენთან კომბინაციაში. კონტრაცეფცია (ინდივიდუალურად ან ესტროგენთან კომბინაციაში) ენდომეტრიოზი ჰირსუტიზმის ზოგიერთი ფორმა. ენდომეტრიუმის მეტასტაზური სიმსივნის პალიატიური მკურნალობა. მკერდის და თირკმლის სიმსივნე. ბუნებრივი პროგესტერონი გამოიყენება ხელოვნური განაყოფიერების დროს და ასევე ლუთეინური ფაზის უკმარისობის დროს. 2.3. უკუჩვენებები უცნობი ეტიოლოგიის ვაგინალური სისხლდენა. არტერიული ჰიპერტენზია. ღვიძლის უკმარისობა. გამოყენება როგორც ორსულობის სადიაგნოსტიკო ტესტი. მორეციდივე აბორტი. მკერდის ან სასქესო ორგანოების სიმსივნე (თუ არ არის დანიშნული როგორც პალიატიური თერაპია). ახლანდელი ან ძველი თრომბოფლებიტის და თრომბოემბოლიების შემთხვევები. ჰიპერმგრძნობელობა პრეპარატში შემავალი კომპონენტების მიმართ. 2.4. განსაკუთრებული მითითებები და სიფრთხილის ზომები: 2.4.1. ზოგადი: მკურნალობის დაწყებამდე აუცილებელია მკერდის და სასქესო ორგანოების საფუძვლიანი გამოკვლევა, ხოლო ხანგრძლივი თერაპიის შემთხვევაში გამოკვლევები პერიოდულად უნდა განმეორდეს, რათა გამოირიცხოს ავთვისებიანი წარმონაქმნის არსებობა. ეპილეფსიით, შაკიკით, ასთმით, გულის ან თირკმლის უკმარისობით ან ისეთი დაავადების მქონე პაციენტები, რომლის დროსაც სითხის შეკავებას შეუძლია მდგომარეობის გართულება, მუდმივად უნდა იმყოფებოდნენ დაკვირვების ქვეშ. პაციენტები, რომლებიც დააავადებულნი არიან ან ანამნეზში აღენიშნებათ დეპრესიის შემთხვევები, უნდა იმყოფებოდნენ დაკვირვების ქვეშ, ხოლო სიმპტომების განმეორებისას მკურნალობა უნდა შეწყდეს. დიაბეტით დაავადებული პაციენტები საჭიროებენ რეგულარულ დაკვირვებას, რადგან ჰორმონალური მკურნალობა აუცილებლად უნდა შეეთავსოს ანტი-დიაბეტურ მკურნალობას. თრომბოზული ნიშნების და სიმპტომების განვითარების შემთხვევაში საჭიროა სიფრთხილე. ვაგინალური სისხლდენის შემთხვევაში აუცილებლად უნდა გამოირიცხოს ორგანული გამომწვევი მიზეზი. პროგესტინებით ხანგრძლივი მკურნალობის შესაძლო შედეგების გადასამოწმებლად უნდა მოხდეს ჰიპოფიზის, საკვერცხეების, თირკმელზედა ჯირკვლების, საშვილოსნოს და ღვიძლის ფუნქციის შეფასება. პროგესტინებით მკურნალობამ შეიძლება შენიღბოს მენოპაუზალური სიმპტომები. 2.4.2. მოხუცებში: იხ. 2.4.1 “ზოგადი” 2.4.3. ორსულობა: ორსულობის დროს პრეპარატის გამოყენება შეიძლება მხოლოდ ხელოვნური განაყოფიერების დროს. თუ პაციენტი მკურნალობის პერიოდში დაორსულდა, ან ორსულობისას შემთხვევით მიიღო გესტაგენური პროდუქტი, მაშინ საჭიროა მისი ინფორმირება ნაყოფთან დაკავშირებული პოტენციური რისკის შესახებ. 2.4.4. ლაქტაცია: გესტაგენები გადის დედის რძეში და არ ინიშნება ძუძუთი კვების დროს. 2.4.5. ბავშვებში: არ არის რეკომენდირებული. 2.4.6. ავტომობილებისა და სხვა მექანიზმების მართვა: პრეპარატი გავლენას არ ახდენს ავტომობილებისა და სხვა მექანიზმების მართვის უნარზე. 2.4.7. განსაკუთრებული მითითებები დამხმარე ნივთიერებებთან დაკავშირებით: დამხმარე ნივთიერებებთან დაკავშირებით განსაკუთრებული მითითებები არ არსებობს. 2.5. ურთიერთქმედება სხვა სამკურნალო საშუალებებთან: არ არსებობს კლინიკურად მნიშვნელოვანი წამალთშორისი ურთიერთქმედება. შეიძლება გავლენა მოახდინოს ღვიძლის ფუნქციური ტესტების შედეგებზე, კოაგულაციური ფაქტორების VII, VIII, IX, და X ანალიზის შედეგებზე, ფარისებრი ჯირკვლის ფუნქციურ ტესტებსა და მეტირაპონის ტესტზე. 2.6. დოზირება: ხშირ შემთხვევებში ინიშნება 10-20 მგ დღეში, დოზირება ძირითადად დამოკიდებულია პაციენტის კლინიკურ მდგომარეობასა და პრეპარატის თერაპიულ ეფექტზე. გამოიყენება მხოლოდ ექიმის დანიშნულების შესაბამისად. 2.7. დოზის გადაჭარბება: დოზის გადაჭარბების დროს მოსალოდნელია პროგესტერონის ფარმაკოლოგიური ეფექტის გაძლიერება და შესაძლოა საჭირო გახდეს სიმპტომური მკურნალობა. 2.8. დოზის გამოტოვების შემთხვევაში: გამოტოვებული დოზა პაციენტმა უნდა მიიღოს გახსენებისთანავე, შემდეგ პრეპარატის მიღება გაგრძელდება ჩვეულებრივ. 2.9. გვერდითი მოვლენები: დარღვევები კუჭ-ნაწლავის მხრივ, გემოვნების დარღვევა, წონაში კლება ან მომატება, სითხის შეკავება, შეშუპება. პიგმენტაცია, ქლოაზმა, აკნე, ალერგიული გამონაყარი კანზე, ქავილი, თმის ცვენა, ჰირსუტიზმი, მასტოდინია, გინეკომასტია, სქესობრივი აქტივობის დარღვევები, დეპრესია, ძილიანობა ან უძილობა, ცხელება, თავის ტკივილი. იშვიათად ანაფლაქსიური რეაქცია. ღვიძლის ფუნქიური დარღვევები, სიყვითლე, სისხლში ლიპიდების დონის მატება. მასკულინიზაცია ქალებში, ჰიპოსპადია მამრობითი სქესის ემბრიონში, განსაკუთრებით ნორ-ტესტოსტერონის დერივატების შემთხვევაში. თრომბოემბოლიური მოვლენები (თრომბოზი, ემბოლიები, ინსულტი, პაპილედემა) განსაკუთრებით თუ მიიღება ესტროგენთან ერთად კომპინაციაში. 2.10. შენახვის ვადა: ინახება 5 წლის განმავლობაში ორიგინალ შეფუთვაში. 2.11. შენახვის პირობები: ინახება მშრალ ადგილას, 300C-ზე დაბალ ტემპერატურაზე. 2.12. ინსტრუქციის ბოლო შემოწმების თარიღი: 3. დამატებითი ინფორმაცია პაციენტებისთვის: • პრეპარატი განკუთვნილია მხოლოდ პაციენტის კონკრეტული პრობლემისთვის. ,ექიმთან კონსულტაციის გარეშე არ შეიძლება მისი მიცემა სხვისთვის ან გამოყენება სხვა მიზნით. • თუ მკურნალობის დროს მედიკამენტთან დაკავშირებით შეიქმნა პრობლემა დაუყოვნებლივ უნდა ეცნობოს მკურნალ ექიმს ან ფარმაცევტს. • დამატებითი შეკითხვების გაჩენის ან დაავადებასთან დაკავშირებით მეტი ინფორმაციის საჭიროების შემთხვევაში უნდა მიემართოს მკურნალ ექიმს ან ფარმაცევტს. • მკურნალობის ეფექტურობისთვის და უსაფრთხოებისთვის, საჭიროა პრეპარატის მიღება ინსტრუქციის მიხედვით. • პაციენტის ჯანმრთელობისა და უსაფრთხოებისთვის პრეპარატის გამოყენებამდე აუცილებელია მოწოდებული ინფორმაციის სრულად წაკითხვა. • არ შეიძლება მედიკამენტის შენახვა აბაზანაში, ნესტმა და სითბომ შეიძლება საზიანო გახადოს პრეპარატი პაციენტის ჯანმრთელობისათვის. • არ შეიძლება მედიკამენტის შენახვა შეფუთვაზე მითითებული ვადის გასვლის შემდეგ. • მეტი უსაფრთხოებისთვის საჭიროა პრეპარატის შენახვა ბავშვებისთვის მიუწვდომელ ადგილზე. 4. გაცემა: პრეპარატის გაცემა ხდება მხოლოდ ექიმის რეცეპტით რეგისტრაციის ნომერი: 41604/07/6-6-2008 (09/24/2008) & 37418/6-6-2008
ორშაბათი, 10 იანვარი 2011 13:14 - 12001 ნანახია - 0 პასუხი - ბეჭდვა -  ელფოსტა
მედიკამენტები/გინეკოლოგია
ავტორი: Med Doctor
უტროჟესტანი Utrogestan ბუნებრივი მიკრონიზებული პროჟესტერონი რბილი კაფსულები შემადგენლობა: 1 რბილის კაფსულა შეიცავს: პროჟესტერონს (მიკრონიზებული). . . . . . . .100 მგ, ან . . . . . 200 მგ. დამატებითი ინგრეიენტები: მიწის თხილის ზეთი, სოიო, ლეციტინი. ცარიელი კაფსლუის შემადგენლობა: ჟელატინი, გლიცეროლი, ტიტანიუმის დიოქსიდი E171 CI77891. ფარმაცევტული ფორმა: რბილი კაფსულები. აქტიური ნივთიერების შემცველობა: 100 მგ / რბილი კაფსულა. 200 მგ / რბილი კაფსულა. აღწერილობა – შეფუთვა: უტროჟესტანი 100: კოლოფში 2 ბლისტერი X15 კაფსულა. უტროჟესტანი 200: კოლოფში 1 ბლისტერი X 7 კაფსულა და 1 ბლისტერი X 8 კაფსულა. მიღების წესი: პერორალურად და ვაგინალურად მისაღები. ფარმაკოთერაპიული ჯგუფი: ჰორმონი (ბუნებრივი პროჟესტერონი). მწარმოებელი: ლაბორატოირეს ბესინს – ინტერნეიშიონალ, პარიზი, საფრანგეთი. პროდუქტის მესაკუთრე: კარდინალ ჰელს, საფრანგეთი 404, ბენჰეიმ, საფრანგეთი. კაფსუგელ პლოერმელ, საფრანგეთი. შემფუთველი: ლაბორატოირეს ბესინს – ინტერნეიშიონალ, მონტრუგი, საფრანგეთი. ბესინს მანუფაქჩარინიგ ბელგიუმ ს.ა. დროგენბოს, ბელგია. გაყიდვების მენეჯერი: ფარან აბეე, სამკურნალო საშუალებების წაროება და გაყიდვა & ტროიზინიას აჩაია, 145 64 ნ. კიფისია რა უნდა იცოდეთ პრეპარატის შესახებ ზოგადი ინფორმაცია: უტროჟესტანის აქტიური ინგრედიენტია პროჟესტერონი, პერორალირად ან ვაგინალურად დანიშნული, აქვს ჰორმონ პროჟესტერონის ყველა თვისება წარმოქმნილი ყვითელი სხეულის მიერ მენსტრუალური ციკლის მეორე ფაზის დროს. ჩვენებები: • ლუთეინური ფაზის უკმარისობასთან დაკავშირებული მდგომარეობები - დისმენორეა, მენორაგია, მეორადი ამენორეა. • ჰორმონო-ჩანაცვლებითი თერაპია ესტროგენთან კომბინაციაში. • კონტრაცეფცია (ესტროგენთან კომბინირებულად ან მის გარეშე). • ჰირსუტიზმის ზოგიერთი ფორმა. • ენდომეტრიოზი. • ენდომეტრიუმის მეტასტაზური სიმსივნის პალიატიური მკურნალობა. • ძუძუსა და თირკმლის სიმსივნის მკურნალობა. • ბუნებრივი პროჟესტერონის გამოყენება ხელოვნური ინსემინაციისა და ლუთეინური ფაზის უკმარისობის დროს. უკუჩვენებები: უცნობი ეტიოლოგიის ვაგინალური სისხლდენები. არტერიული ჰიპერტენზია. ღვიძლის უკმარისობა. როგორც ორულობის სადიაგნოსტიკო მეთოდი. რეკურენტული აბორტი. ძუძუს ან გენუტალური კიბო გარდა პალიატიური მკურნალობის. თრომბოფლებიტი. ახლად განვითარებული ან მიმდინარე ან თრომბოემბოლიური მდგომარეობები. ჰიპერმგრძნობელობა პრეპარატის შემადგენლობაში შემავალი ნებისმიერი კომპონენტების მიმართ. განსაკუთრებული სიფრთხილე და სიფრთხილის ზომები გამნოყენებისათვის: მკურნალობის დაწყებამდე აუცილებელია მკერდისა და სასქესო ორგანოების გამოკვლევა და ხანგრძლივი მკურნალობის შემთხვევაში კი პერიოდული გამოკვლევა ავთვისებიანობის გამოსარიცხად. პაციენტები ეპილეფსიით, შაკიკით, ასთმით, გულის ან თირკმლის უკმარისობით და ზოგადი მდგომარეობით, რაც შეიძლება გაუარესდეს სითხის შეკავებით საჭიროებენ ფრთხილ მონიტოინგს. პაციენტები დეპრესიით ან ანამნეზში დეპრესიით საჭიროებენ მონიტორინგს და ნკურნალობა უნდა შეწყდეს სიმპტომების გაუარესების ან განმეორების შემთხვევაში. დაბეტით დაავადებული პაციენტები მკურნალობისას საჭიროებენ რეგულარულ დაკვირვებას, რადგან შესაძლოა საჭირო გახდეს ანტი-დიაბეტური მკურნალობის კორექცია. სიფრთხილით ინიშნება თრომბოზის ნიშნებისა და სიმპტომების არსებობის შემთხვევაში. ვაგინალური სისხლდენის დროს საჭიროა გამოირიცხოს ორგანული დაზიანება. ხანგრძლივი მკურნალობის შემთხვევაში დაკვირვება უნდა მოხდეს ჰიპოფიზის, საკვერცხეების, თირკმელზედა ჯირკვლის, საშვილოსნოსა და ღვიძლის ფუნქციებზე. პროჟესტერონით მკურნალობამ შეიძლება შენიღბოს მენოპაუზის დადგომის სიმპტომები. ორსულობა: როდესაც პრეპარატი გამოიყენება ინსემინაციის დროს, დაორსულების შემთხვევაში შეიძლება მისი შემდგომი განოყენება. თუ ორსულობის პერიოდში ქალი ღებულობს პროჟესტერონს ან დაორსულდა გესტაგენური პრეპარატებით მკურნალობის ფონზე, აუცილებელია მისი ინფორმირება ნაყოფზე შესაძლო რისკის შესახებ. ლაქტაცია: პროჟესტერონი გამოიყოფა დედის რძეში, ამიტომ მისი მიღება არ არის რეკომენდებული ლაქტაციის პერიოდში. ავტომობილებისა და სხვა მექანიზმების მართვა: ავტომობილებისა და სხვა მექანიზმების მართვის დროს არსებობს ძილიანობის განვითარების რისკი. სხვა მედიკამენტებთან ურთიერთქმედება და სხვა სახის ურთიერთქმედებები: უტროჟესტანს არ გააჩნია კლინიკურად მნიშვნელოვანი ურთიერთქმედება. შეიძლება გავლენა მოახდინოს ღვიძლის ფუნქციური ტესტების შედეგებზე , კოაგულაციური ფაქტორების ანალიზის შედეგებზე, ფარისებრი ჯირკვლის ფუნქიურ ტესტებსა და მეტირაპონის ტესტზე. დოზირება - მიღების წესი: პერორალურად მიღება: ლუთეინური ფაზის უკმარისობა: 200-300 მგ დღეში 10 დღის განმავლობაში ცილის მე-17 – 26-ე დღეების განმავლობაში. ჰორმონ-ჩანაცვლებითი თერაპია: 200 მგ დღეში ყოველი მკურნალობის ციკლის ბოლო 2 კვირის განმავლობაში ესტროგენთან ერთად კომბინაციაში. ვაგინალურად მიღება: ხელოვნური განაყოფიერების დროს: 100-600 მგ დღეში, რაც დამოკიდებულია მეთოდსა და ხანგრძლივობაზე. დოზის გადაჭარბება – მკურნალობა: უტროჟესტანის ჭარბმა დოზამ შეიძლება გააძლიეროს პროჟესტერონის ფარმაკოლოგიური ეფექტი და საჭირო გახდეს სიმპტომური მკურნალობის ჩატარება. გვერდითი მოვლენები: გასტროინტესინალური დარღვევები, გემოვნების დარღვევები, წონაში დაკლება ან მომატება, სითხის შეკავება ორგანიზმში, შეშუპება. მელანქროზია, კანის ქლოაზმა, აკნე, ალერგიული გამონაყარი კანზე, ქავილი, თმის ცვენა, ჰირსუტიზმი. მკერდის ტკივილი, გინეკომასტია, სექსუალური დარღვევები. დეპრესია, ძილიანობა ან უძილობა.ცხელება, თავის ტკივილი, პრემენსტრუალური სინდრომის სიმპტომები, არანორმალური ციკლი. იშვიათად, ანაფილაქსიური რეაქცია. ღვიძლის ფუნქციური დარღვევები, იშვიათად სიყვითლე, ლიპიდების მომატება სისხლში., მასკულინიზაცია ქალებში, ჰიპოსპადია მამრობითი სქესის ემბრიონში, განსაკუთრებით ნორტესტოსტერონის წარმოებულების ფონზე. თრომბოემბოლიური შემთხვევები (თრომბოზი, ემბოლია, ინსულტი, პაპილოედემა), განსაკუთრებით ესტროგენთან ერთად კომბინაციაში მიღების დროს. შენახვის ვადა: ყველა პრეპარატს გააჩნია თავისი შენახვის ვადა, რომლის გასვლის შემდეგაც დაუშვებელია მისი გამოყენება. განსაკუთრებული შენახვის პირობები: ინახება ოთახის ტემპერატურაზე (<25°C) და სინათლისგან დაცულ ადგილას. პრეპარატი გაიცემა ექიმის დანიშნულებით. ინფორმაცია პრეპარატის რაციონალური გამოყეენბისათვის: ● ეს მედიკამენტი ენიშნება პაციენტს ექიმის მიერ კონკრეტული სამედიცინო პრობლემის სამკურნალოდ. დაუშვებელია მისი გადაცემა სხვისთვის ან მისი გამოყენება სხვა დაავადების სამკურნალოდ ექიმის კონსულტაციის გარეშე. ● თუ მკურნალობის პერიოდში პაციენტი აღნიშნავს რაიმე სახის პრობლემის წარმოჩენას, უნდა მიმართოს მკურნალ ექიმს ან ფარმაცევტს. ● თუ პაციენტს გაუჩნდება დამატებითი კითხვები ამ ინფორმაციის ხარისხიანობის შესახებ ან მოითხოვს დამატებით ინფორმაციას დაავადების შესახებ, უნდა მიმართოს მკურნალ ექიმს ან ფარმაცევტს. ● პაციენტისთვის დანიშნული ეს პრეპარატი მეტად ეფექტური და უსაფრთხო იქნება, თუ ის მიიღებს მას ექიმის დანიშნულების მიხედვით. ● უსაფრთხოების მიზნით პაციენტი უნდა გაეცნოს ანოტაციაა პრეპარტის შესახებ. ● პრეპარატი არ ინახება აბაზანაში, რადგან სითბომ და ტენიანობამ შეიძლება შეცვალო პრეპარატი და საზიანო გახადოს პაციენტის ჯანმრთელობისთვის. ● პრეპარატი არ ინახება შენახვის ვადის გასვლის შემდეგ. ● უსაფრთხოების მიზნით პრეპარატი ინახება ბავშვებისთვის მიუწვდომელ ადგილას. Laboratoires BESINS INTERNATIONAL S. A. 5, rue du Bourg l’ Abbe - 75003 Paris. ლაბორატიურეს ბესინს ინტერნეიშიონალ ს.ა. 5, რუე დუ ბოურგ ლ აბბე – 75003, პარიზი FARAN A.B.E.E. PRODUCTION & MARKETING OF MEDICINES HEADQUARTERS: Achaia & TROIZINIAS, 145 64 N. KIFISSIA TEL: 210.6269200 - FAX: 210.8071688 - E-mail: faran@faran.gr OFFICE Thessalonica: 9th km. Thessaloniki Moudania, 570 01 Pylea TEL: 2310.818064 - FAX: 2310 823695 ფარან ა.ბ.ე.ე. სამკურნალო საშუალებების წარმოება და გაყიდვა სათაო ოფისი: აჩაია & ტროიზინიას, 145 64 ნ. კიფისია ტელ: 210.6269200 – ფაქსი: 210.8071688 – ელ ფოსტა: faran@faran.gr ოფისი თესალონიკა: მე-9 კმ. თესალონიკი მოუდანია, 570 01 პილეა ტელ: 2310.818064 - ფაქსი: 2310 823695
ორშაბათი, 10 იანვარი 2011 14:06 - 5392 ნანახია - 0 პასუხი - ბეჭდვა -  ელფოსტა

პირველი
123

გვერდი 1 of 3